الهوية – اغسطس ٢٠٢٣

زمان كنت بستغرب جدا من الشعوب اللي كانت محتلة من فرنسا زي تونس و المغرب و الجزائر لما بيتكلموا فرنساوي مع عربي في جملة واحدة و كنت بشوف ان ده ضعف ثقافي، يمكن ده كان غصب عنهم و نتيجة للاحتلال.النهاردة احنا بقينا بنتكلم انجليزي مع العربي و بمزاجنا و كمان ملمح للطبقة الإجتماعية. اللغة مش معيار للنظافة او المستوى الاجتماعي الا لو بتخاطب ناس ناقصة و تفكيرها مريض. النضوج انك تفهم ان قيمتك في ثقافتك و اختلافك و ازاي انت متميز عن الشعوب الثانية، مش انك تكرار رخيص للغير و ده مش بيقلل اهمية انك تتعلم لغات و ثقافات مختلفة. علموا ولادكم و بناتكم لغتهم و متمحوش هويتهم سعياً وراء نقص المجتمع .